Hosianna - grupa de mujiga
Gran nuviteis y slargiamënt dla atività!
Vënerdi, 20 Jené 2012 17:46
N vënderdi, ai 13 de jené, ons abù la Senteda Generela, na sëira da truep culëures, ideies, vijions per l daunì doi nueva cumëmbres!
Greta Langgartner, sor de Luca, y Martina Perathoner, sor de Silvy y Verena, ie la doi nueva cumëmbres dla grupa! N bënunì de cuer a vo doves! Martina y Greta à bele ntan l 2011 fat pea plu ativiteies metudes a jì dala grupa, danter l auter nce ala tournee, se desmustran vester de bona ciantarines che cianta cun legrëza y pascion y l ie nsci per nëus mé n gran plajëi pudëi les avëi śën ufizielmënter danter nëus!
Magdalena Tröbinger ntant nes à fat al savëi, che davia che la studieia śën a Dispruch, cianterala mé plu pea unitant cun nëus, y nsci iela nce zapeda ora dal cunsëi, ne pudan nia vester presenta ala sentedes. Si post à ntant sëurantëut Sara Villgrattner. Ulon tò l'ucajion de rengrazië de cuer Magus per l gran lëur che la à fat coche cumëmbra dl cunsëi, si funzion fova chela de vardiana dla notes! De gra!
Na gran mudazion da chëst ann inant sarà chëla dl slargiamënt dla atività. Sce nchin śën fova nosta atività dantaldut o belau mé chëla de abelì s.mësses, ulons da śën inant plu suvënz nce cumparì purtan dant pec dl viers deplù de coche on ciantà dala tournee. On udù che nes sa scialdi bel cianté nce chësc stil de mujiga y son nsci davierc a to su nce pitla ncëries per cianté pra vel conzerc o avenimënc dedora, o cieche auter mei nes vën pità!
L gran proiet da chëst ann sarà na registrazion de na CD, ulache ulon tò su la plu bela cianties che on ciantà ti ultimi ani, per pudëi pona dé ora d'ansciuda via na CD dopla: la cianties dla tour dlongia a cianties modernes cristianes!
Nëus se ncunferton bele sun chisc avenimënc y speron nce vo!
Hosianna on Tour: na udleda de reviers
Lunesc, 29 Agost 2011 16:16
I 5 cunzerc te Sëlva, Schenna, Cianacei, Persenon y Al Plan ie śën bele passei da n pez y n possa bën dì che tl dut adum iel stat propi na bela ena!
La sëires fova for acumpaniedes da n publich da na drët bona ueia – mpue plu dala luna fova povester l tëmp, ma che ala fin dla finedes à for mpo lascià pro n bel garaté!
Y sce n ne tën nia cont de vel pitli “fai” (ce cunzert fosslpa, sce n ne urtëssa nia a saludé na persona de unëur cun n fauz inuem :)), possen mé rengrazië duc canc che te si maniera à cunlaurà per chësc proiet. Dala tecnica do paladina nchin ala moderazion dancà: duc se à purvà dassënn. N gran rengraziamënt ti va a Sebald Goller, nosc dirighënt coche nce nosta locomotif te uni mumënt y a Herbert Mussner, che ie stat da gran seva tla urganisazion tla tournee - y nia per ultim l publich cun i fans plu pasciunei per l sustëni (nce finanziel).
Oradechël rengrazions de cuer l dut. Florian Mussner, che à sëurantëut l patrozine per nosta lia coche nce i sponsors y duta la lies per l turism che nes à dantaldut permetù de pudëi se lascé audì. De gra!
Per tanc che ie nteressei y à mo ueia de viver n valguna emozions tla tour, iel da abiné sun nosta plata internet y sun nosc canal YouTube velch da fotografies y videos!
La tour ie dan man!
Merdi, 12 Lugio 2011 13:49
"Hosianna on Tour" ne ie nia plu gran dalonc, scumencian cun dumënia, 24 de lugio y finan via ai prim de agost se lascerà i Hosianna audì te bën 5 luesc tla region!
La tour scumencerà n dumënia ai 24 de lugio tl luech ulache i Hosianna à si sënta, te Sëlva y plu avisa sun plaza de chemun! Inant jirala pona l merdi a Schenna dlongia Maran, vënderdi a Cianacei tla Val de Fascia, n sada a Persenon y coche ultim conzert l lunesc ai prim de agost a Al Plan de Mareo.
Uni conzert unìrà ciantà y sunà dedora sun vel plaza y sce l tëmp essa da vester melsegur uniral metù a jì te n local dedit:
| Sëlva | plaza de chemun |
| Schenna | plaza Raiffeisen (cësa dla lies "Unterwirt) |
| Cianacei | plaza Marconi (cinema teater Marmolada) |
| Persenon | plaza dl Dom (Forum) |
| Al Plan de Mareo | pavillon (sala dla manifestazions) |
for dala 9 da sëira!
L program che unirà purtà dant dala 13 jëunes acumpaniedes da 4 strumentisć sará mondiel, drët rich y da druch: pec de Aretha Franklin, Abba, Queen y Weather Girls, ma nce ora dla serie televijiva Glee!
Na sëira de legrëzes, emozions y energia cun Hosianna Ve aspieta!
Scumencedes la proves per la tournee!
Juebia, 02 Juni 2011 17:42
Cun n doi pitla proves al scumenciamënt y n gran fin dl'ena de proa ala fin de mei à scumencià la proves per nosta tournee che unirà a sl dé ala fin de lugio!
Cun n drë druch à la mutans mparà ite truep pec nueves te trëi domesdis y sëires de proa sota la bachëta drët muelia de Sebald, unian a fé na bela paruda dan ai strumentisc, canche dumënia sëira an pona fat na proa deberieda. Nce ëi fova dret n forma y nscila possen dì che on abù n bel mëter man dla proves per la tournnee da instà, che deventerà dessegur per duc nëus na esperienza unica!
On śën nce bele l program dla tournee, che pudëis udëi sota la sezion "Atività"!
Ulon n chësta ucajion nce prejenté la doi ciantarines nueves che à śën scumencià a cianté pea y plu avisa Greta Langgartner y Martina Perathoner, coche nce la trëi ciantarines che cianta pea pra la tournee: Eva Vinatzer (à bele plu suvenz ciantà/sunà pra la grupa), Johanna Kostner y Romina Glira de Urtijëi.
Mёmbri nueves!
Vënerdi, 07 Jené 2011 10:44
N ucajion dla Senteda Generela de l'ultima dumёnia, ai 2 de jené, ie 3 jёuni unic tёuc su ufizielmёnter pra la grupa! N gran BЁNUNÌI de cuer dijons perchёl a:
Christian Hofer (tecnich dl sonn), Karin De Sisti (usc y flaut), Luca Langgartner (usc y bass)!
Sёuraprò nes à Daniel Bernardi cunedì che l lascia pra la grupa, cie che nes sa dastramp sciot! De gra dänyz per l ann de atività passá deberieda cun nёus y povester assé che te es plu inant inò dlaurela de unì a suné pra nёus!
Chёst ann fova inò la veles dl cunsёi sun l ordn dla sёira y doi ciantarines se à pità de ulёi lauré pea! Nsci iel unì fates la veles y per doi ani ie śёn l cunsёi nuef chёsc:
Grasberger Armin, Mussner Isabella, Perathoner Silvy, Runggaldier Martin, Runggaldier Valentine, Tröbinger Magdalena
Davia che Isabella ie śёn per n valgun mёnsc demez, sёurantol Silvy la ncёria de nseniё ite la cianties y de manejé la cuestions che à da n fé cun la mujiga. Tobias se cruzierà de aministré la plata internet. De gra!
L "highlight" dla grupa per chёst ann sarà na Tournee d'instà, plu avisa ala fin de lugio-scumenciamёnt de agost! Ma deplù ne ulons per ntant mo nia mpander... perchёl unide tosc inò a nes crì!
 |
 |
Fotos "30 ani Hosianna"
Dumënia, 31 Utober 2010 23:13
La fotos dla s.mëssa y dl cunzert n ucajion di 30 ani dla grupa ie śën da pudëi udëi sota Galaria!
Plu Articui...
Plata 1 de 2
